Kadi Aa Mil Ranjhan Way – Noor Jehan: Download MP3

 

ﭙﻨﺠﺎﺑﻰ punjabi/urdu

Kadi Aa Mil Ranjhan is a beautiful Punjabi folk song which is basically an ode of longing by Heer as she remembers Ranjhan, her beloved. Listen in immortal voice of Mallika Taranum Noor Jehan. 

 Download (Right click + save target as, or save link as)
Lyrics

 

 


Comment

Allama Iqbals Shikwah – Noor Jehan: Download MP3

ﭙﻨﺠﺎﺑﻰ punjabi/urdu

 

 

Dil say jo baat nikalee hai asar rakhti hai, Par nahi taqat-e-parvaaz magar rakhtee hai. Allama Iqbal’s shikwa or Complaint to God is considered a masterpiece of urdu poetry. It belongs to his first complication of urdu poetry, Baang-e-Dara. Performed by many artists such as Nusrat Fateh Ali, here is a excellent and rare version by Mallika Taranum Noor Jehan.

 

 

 Download (Right click + save target as, or save link as)

 

Kyoon Ziyan Kaar Banoo, Sood Faramosh Rahoon?
Fikr-e-Farda Na Karun, Mehway Ghum-e-Dosh Rahoon

Naalay Bulbul Ke Sunoon, Aur Hama Tun Goshh Rahoon
Hum Nawa Mein Bhi Koee Gul Hoon Ke Khamosh Rahoon?

Jurrat Aamoz Meri Taab-E-Sakhun Hai Mujhko
Shikwa Allah Se, Khakam Badahan, Hai Mujhko

Aye Khuda Shikwa-E-Arbaab-E-Wafaa Bhi Sunn Le
Khugar-E-Hamd Se Thora Sa Gilla Bhi Sunn Le

Thi Toh Maujood Azal Se Hi Teri Zaat-E-Qadim
Phool Tha Zeb-E-Chaman Par Na Pareshan Thi Shamim

Shart Insaaf Hai Aye Sahib-E-Altaaf-E-Ameem
Boo-E-Gul Phailti Kis Tarah Jo Hotee Na Nasim?

Hum Se Pehle Tha Ajab Teray Jahaan Ka Manzir
Kahin Masjood The Patthar Kahin Maabood Shajar

Khugar-E-Paikar-E-Mahsoos Thee Insaan Ki Nazar
Maanta Phir Koi Undekhey Khuda Ko Kyon kar?

Tujhko Maaloom Hai Laita Tha Koi Naam Tera?
Qoowwat-E-Baazoo-E-Muslim Ne Kiya Kaam Tera

Bas Rahee They Yahin Salijauq Bhi Toorani Bhi
Ahl-E-Chin Chi Mein Iran Mein Sasaani Bhi

Isi Mamoore Mein Aabad Thi Yoonaani Bhi
Isi Duniya Mein Yahodi Bhi Thay, Nusraani Bhi

Par Tere Naam Pe Talwar Uthai Kiss Ne?
Baat Joh Bigri Hooyi Thi Woh Banaayi Kiss Ney?

Thay Hammi Ek Terey Maarka Aaraaon Mein
Khushkion Mein Kabhi Lartey, Kabhi Dariyaon Mein

Di Azaanain Kabhi Europe Ke Kaleesaaon Mein
Kabhi Africa Ke Taptey Hooay Sahraaon Mein

Thee Na Kuchh Tegg Zani Apni Hakoomat Ke Liye
Sar Ba-Kaf Phirtey Thay Kya Dahar Mein Daulat Ke Liye?

Qaum Apni Jo Zar-O-Maal-E-Jahan Par Marti
Boot Faroshi Ke Iwaz Boot Shiknee Kyon Karti?

Naqsh Tauheed Ka Harr Dil Pe Bithaya Hum Ne
Zair-E-Khanjar Bhi Yeh Paigham Sunaaya Hum Ne

Tu Hi Kahh De Ke Ukhara Dar-E-Khyber Kis Ne
Shaher Qaiser Ka Jo Thaa Uss Ko Kiya Sar Kiss Ne?

Tore Makhlooq Khudawandon Ke Paikar Kiss Ne?
Kaat Kar Rakh Diyey Kaffaar Ke Lashkar Kis Ne?

Aa Gaya Ayn Laraai Mein Agar Waqt-E-Namaz
Qibla Roo Ho Ke Zameen Boas Huee Qaum-E-Hejaaz

Ek Hi Saff Mein Khare Ho Gaye Mahmood-O-Ayaz
No Koi Banda Raha Aur No Koi Banda Nawaaz

Bandaa-O-Sahib-O-Muhtaaj-O-Ghani Aik Hooye
Teri Sarkar Mein Pahunche Toh Sabhi Ek Hooye

Mehfil-E-Kaun-O-Makaan Mein Shar-O-Shaam Phirre
Mai-E-Tauheed Ko Lekar Sift-E-Jaam Phirey

Dasht Toh Dasht Hain Darya Bhi Na Chhorre Hum Ne
Bahr-E-Zulmaat Mein Daura Diye Ghorrey Hum Ne

Safaah-E-Dahar Se Baatil Ko Mitayaa Hum Ne
Nau-E-Insaan Ko Ghulami Se Chhuraya Hum Ne

Tere Kaabe Ko Jabeenon Se Basaya Hum Ne
Tere Quran Ko Seeno Se Lagaya Hum Ne

Phir Bhi Hum Se Yeh Gillaa Hai Ke Wafadaar Nahin
Hum Wafadar Nahin Tu Bhi Toh Dildaar Nahin

Rahmaten Hain Teri Aghiyar Ke Kashaanon Par
Barq Girti Hai Toh Bechare Musalmaanon Par

Yeh Shikayat Nahin Hain Un Ke Khazane Maamoor
Nahin Mehfil Mein Jinhen Baat Bhi Karne Ka Shaoor

Qahar Toh Yeh Hai Ke Kaafir Ko Milen Hoor-O-Qasoor
Aur Bechaare Musalmaan Ko Faqt Waada-E-Hoor

Taan-E-Aghiyaar Hai Ruswai Hai Nadari Hai
Kya Tere Naam Pe Marne Ka Iwaz Khwari Hai?

Hum Toh Jeete Hain Ke Duniya Mein Tera Naam Rahey
Kahin Mumkin Hai Saqi Na Rahe Jaam Rahe?

Teri Mehfil Bhi Gayi Chahney Wale Bhi Gaye
Shab Ki Aahen Bhi Gayi Subah Ke Naaley Bhi Gaye

Dil Tujhe De Bhi Gaye Apna Sila Le Bhi Gaye
Aa Ke Baithe Bhi Na The Ke Nikaale Bhi Gaye

Aaye Ushaaq Gaye Waada-E- Farda Lekar
Ab Unhen Dhoond Chirag-E-Rukh-E-Zeba Lekar

Dard-E-Laila Bhi Wohi Qais Ka Pahlu Bhi Wohi
Najd Ke Dasht-O-Jabal Mein Ram-E-Aahoo Bhi Wohi

Ishq Ka Dil Bhi Wohi Husn Ka Jaadoo Bhi Wohi
Ummat-E-Ahmed-E-Mursil Bhi Wohi Tu Bhi Wohi

Phir Yeh Aazurdagi-E-Ghair- Sabab Kya Maani
Apne Shaidaaon Pe Yeh Chashm-E-Ghazab Kya Maani?

Ishq Ki Khair Woh Pehlee Si Ada Bhi Na Sahi
Jaada Paimaai Taslim-O-Raza Bhi Na Sahee

Kabhi Hum Se Kabhi Ghairon Se Shanasai Hai
Baat Kahne Ki Nahin Tu Bhi Toh Harjaai Hai

Ahd-E-Gul Khatam Hua Toot Gaya Saaz-E-Chaman
Urr Gaye Dalion Se Zamzama Pardaaz-E-Chaman

Ek Bulbul Hai Ke Hai Mahw-E-Tarannum Ab Tak
Us Ke Seeney Mein Hai Naghmon Ka Talaatam Ab Tak

Qumrian Shaakh-E-Sanober Se Gurezaan Bhi Hoee
Pattian Phool Ki Jhad Jhad Ke Pareshan Bhi Huee

Woh Purani Ravishen Bagh Ki Veeran Bhi Hui
Daalian Parahan-E-Barg Se Uriaan Bhi Hui

Qaid-E-Mausim Se Tabiyat Rahi Aazad Uski
Kaash Gulshan Mein Samjhtaa Koi Faryaad Uski

Chaak Iss Bulbul-E-Tanha Ki Nawa Se Dil Honn
Jaagne Wale Isi Baang-E-Dara Se Dil Hon

Yaani Phir Zinda Naye Ahd-E- Wafa Se Dil Hon
Phir Isi Bada-E-Deereena Ke Pyaase Dil Hon

Ajmee Khum Hai Toh Kya Maiy Toh Hejaazi Hai Meri
Naghma Hindi Hai Toh Kya Laiy Toh Hejaazi Hai Meri

 

 

All poetry of Dr. Muhammad Iqbal is in public domain as he never copyrighted his complication Kuliyat-e-Iqbal. Above can be shared without permission of Sufistan.com.


Comment

Har Lehza hai Momin ki Nai Shaan [Kalam-e-Iqbal] – Noor Jehan: Download MP3

ﭙﻨﺠﺎﺑﻰ punjabi/urdu

 

 

Har Lehza hai Momin ki Nai Shaan is a beautiful poem by Allama Iqbal, which was immortalised by voice of Noor Jehan.

 

 Download (Right click + save target as, or save link as)

 

 

Lyrics

Har lehza hai momin ki nai shaan nai aan
Guftaar main kirdaar main Allah ki Burhan

ہر لہزا مومن کی نئی شان نئی آن
گفتار میں کردار میں اللہ کی برہان

Every moment, Momin has a new grace, a new splendor
In his speech and character, he is manifestation of God himself.

 

 


Comment